الثلاثاء، أكتوبر ٢٠، ٢٠٠٩

قصة مدون ياهل وابوه الحرامي



ظهر علينا في آخر الايام مدون ياهل وثقيل طينه تلقاه بكل مدونه يعلق واكثر تعليقاته محد يفهمها ومن اسلوبه تعرف انه صغير بالسن حيث انه فاهم الوطنيه غلط ووايد شاد حيله ولسانه وصخ مثل ذمة ابوه .

هذا المدون ما عنده موضوع او تعليق الا وياب سيرة النائب علي الراشد وتعرضله بالسب والشتم وكأنه بايق حلال ابوه !! وطلع فعلا علي الراشد تعرض لحلال ابوه !!
شلووووون ؟؟؟

انا اقوللكم شلون .

من خلال معرفتي بعدد من المدونين اللي اشوفهم بالديوانيه قاللي واحد منهم بقصة هالهيس الاربد وابوه الزقمبي .

الزقمبي ابو الهيس الاربد طلع اهو نفسه مدير مكتب او رئيس سكرتارية فهد سالم العلي رئيس الهيئه العامه للزراعه السابق اللي انشال بعد استجواب الراشد حق ضيف الله شرار .

وكان ابو هالمدون الآمر الناهي بالهيئه وبالع الاكو والماكو وومشة الزفر حق رئيس الهيئه . ومصادر ارض بالعبدلي يم معزبه رئيس الهيئه فهد السالم .

ولما انكشفو بالاستجواب المقدم من علي الراشد وتم عزل فهد السالم من منصبه تم استرداد اغلب سرقات ابوه السكرتير وتم سحب الارض الكبيره اللي بايقها واحالته للنيابه .

ومادري شصار عليه , ياا استقال ياا تفنش ياا احالوه للتقاعد .

ولده المدون كان وقته فرخ صغير حده يلعب سيجا او يلعب بالجباريت .
الحين كبر وخط شاربه وأظن بلغ ( ماني متأكد ) ..

هذي قصة المدون ولد الحرامي.

لن اذكر من هو المدون لأن ليس هذا السبب من هالموضوع فالراشد نائب ومعرض للأنتقاد وكل من حقه ان ينتقد الشخصيات العامه .

السبب الرئيسي لسردي هذي الحقيقه هو لايصال الصوره البشعه اللي وصل لها التدوين وشلون صارت الشخصانيه هي السمه الغالبه للتدوين .



هناك ١٨ تعليقًا:

Common_Sense يقول...

شسالفة الاشراف عالتعليقات هالايام

وماعليه بالنهاية ماقال الا رأيه مثل ما عندك رأي على ابوه :)

غير معرف يقول...

هذي ضريبة الاصلاح ومحاربة الفساد

وبوفيصل جبل مايهزه ريح

MOODMAANI يقول...

للأسف مهزله

كل من حطله موقع وقعد يسب بخلق الله

هذيل مثل اليهال , لازم اشراف ولي امر عليهم

صوت الكويت يقول...

كلش ما قلت منو المدون
مو ناقص إلا تحط تحتها خط

:)

شـليويح يقول...

حنطفيس اشلونك يا الغالي....

الله العالم جني عرفته ..
و راح اقولك اشلون عرفته ....

مو اللي يبدل ، و يحط حرف قبل
الثاني ، و بصراحه اهو ما يدري
شيقول ، لا و اول ما دش التدوين
جان يتهاوش و ليلحين قاعد ينزف
لووووووووول
و قبل جم مشخط فيه واحد
لووووووووول

الحنطفيس العود

اشلون عرفته؟؟؟
مره داش معلق عند وحده مدونه و مستخدم
كلمه اهو دايما يرددها
و عقبها بشوي جان يدش بغير معرف... وياي حنطفيس
و يغلط و يستخدم نفس الكلمه اللي
بتعليقه الاولي .... ضحكنييييييي

يسلمون عليك شليويح و مليويح
و كليويح ، و يبون يسوون مدونه
بعد جم يوم اسمها تكتل الطياح
لوووووووووووول

المدون فليويح يحييك.

حنطفيس يقول...

common sense

انا ذكرت بموضوعي بأن اي شخص انتقاد اي شخصيه عامه وعشان جذيه ماحبيت اكشف شخصيته .

انا مقصدي انتقاد ظاهره عامه لا أكثر ولا أقل

حنطفيس يقول...

غير معرف

اللي يعمل دائما عليه كلام ولغط مثل الراشد

واللي مايعمل الناس تنساه مثل المطير او الخنفور مثلا

حنطفيس يقول...

مودماني

شي مؤسف اللي قاعد يصير من بعض الاطفال

حنطفيس يقول...

صوت الكويت

عاد ماهمني درا ولا مادرا

انا مقصدي انتقاد ظاهره مو اكثر

حنطفيس يقول...

فليويح

هالياهل فاضح نفسه بنفسه .

الثواره تشع منه

غير معرف يقول...

عرفته

وانا اقووووول ليش مستخف الولد !!؟؟

هذيان يقول...

مو عاجبهم علي الراشد يطقون راسهم بالطوفه

بس كنت أتمنى فيهم واحد قبل لا يفتح حلجه على الراشد يقول الراشد شنو شايفين عليه

ايخسوه اهم عارفين علي الراشد انظف من نواب يلعلعون لهم ألف مره

حنطفيس يا ليت فيه انتقاد مفهوم على علي الراشد بس تلفيق

و خليهم يا حنطفيس الراشد كبير بإخلاقه بس ربعهم كبار بشو

غير معرف يقول...

و الله يا حنطفيس ما ردت على هذا شوف اللي مو عاجبه الامير و مسوي نفسه عارف صلاحيات الحاكم أكثر من الأمير نفسه !

هالفقع افصخوا و اقعدوا !

غير معرف يقول...

لا و نسيت اقولك صبيك أول واحد معلق عنده
صج لى قالو الطيور على أشكالها تقع

صبا يقول...

ماره اسلم

شخبارك


انشالله بخير

:)

حنطفيس يقول...

هذيان

الله يكافيج شر العويه

الحماقه مرض الله لايبلانا

حنطفيس يقول...

غير معرف

الصبي مالي ؟؟ منو هذا ؟

حنطفيس يقول...

صبا

هلا بالطش والرش

هذي الساعه المباركه