الجمعة، أكتوبر 30، 2009

مرض الزهايمر يكافيكم شره

قبل لاندش بموضوعنا الرئيسي وصلني مسج من الخدمه الاخباريه ومضمونه كالآتي :

النائب احمد السعدون : النائب خالد العدوة فارس مجلس الأمة !!!
أي أي السعدون اهو اللي قايلها
ماعلينا
.
.

ندش بموضوعنا وهو مرض الزهايمر :




الزهايمر هو اعتلال يصيب الدماغ سمي المرض بهذا الاسم نسبة للعالم Alois Alzheimer الذي وصف المرض لأول مرة سنة 1906

أكثر من 5 ملايين مصاب بهذا المرض في أمريكا وحدها ومن أشهر من أصيب بهذا المرض الرئيس رونالد ريجان.

أعراض المرض:

أول أعراض المرض وأكثرها شيوعاً كثرة النسيان( مثل نسيان مواقف العدوة وتاريخه السابق ) ..لدرجة أن المريض قد ينسى تدريجياً عائلته وموقع بيته بل أن هذا النسيان يعيقه عن كثير من الأمور الحياتية كقيادة السيارة مثلاً..

هناك أعرض أخرى تصاحب المرض مثل:

1-الاضطراب (confusion )

2-مشاكل في التعبير عن الأفكار وتنظيمها..( ماتفهم شيقول احيانا )

3-قد ينسى أين وضع مفاتيح بيته مثلاً أو أغراضه الشخصية.

-4يتوه عن الأماكن المألوفة بالنسبة له مثل عمله بيته..( يصوت مع لجنة الظواهر مثلا )

5- تغير في السلوك والشخصية ..يصبح مزاجهم متقلباً بدرجة كبيرة من الغضب إلى الفرح أو حتى البكاء(مايبيله اعلق على هالنقطه بالذات )..

مرض الزهايمر يؤدي إلى قتل الخلايا العصبية وتدريجياً يتسبب في تقليص حجم الدماغ (brain shrinks)

العلاج : للأسف لا يوجد للآن علاج ناجع لهذا المرض..كل العلاجات المتوفرة هي عبارة عن علاج للأعراض وليس للمرض نفسه ( او اذا كان هالمريض نائب بالمجلس يقدم استقالته ومايرشح مره ثانيه رأفة بتاريخه )

خووووش بوست عند المدونه الزميله دللي ومللي

http://dilliomilli.blogspot.com/2009/10/blog-post_29.html

.

هناك 22 تعليقًا:

فـليويح يقول...

لووووووووووول
الله يخسبق سالفتك

النقطه (٣) مثلا يحط المفتاح
ب ( طووووووط ) عشان يشغل نفسه...هييههههه

انزين حنطفيس ، زهب الجيس الاسود
قرب ترى قرب الحبيب.....

المقوع الشرقي يقول...

بس العدوة
؟؟؟

غير معرف يقول...

وآنا اقوووووول شفيه الرمز متخسبق !!!؟

الله يشافيه انشالله

غير معرف يقول...

الله يشافيه مما ابتلاه

ويحفظ الكويت من المصابين بهالمرض امثاله

شكرا على المعلومات القيمه

عاضّه يقول...

حنطفيس

دار العجزه ما ياخذون
اصحاب هالمرض ، لان
قعدته بالمجلس تسبب
مشاكل ، خوفك يحط
اصابعه ابراطمه و يسوي
حق الوزرا بلبلللبلبل .
:)))

حد القلم - ابن زيدون سابقا يقول...

انا لو اني منه و كل هالتاريخ .. استريح بآخر عمري و استأجر شاليه بمنتجع اوربي .. و انسى العالم كله

bo rashed يقول...

احلا مسا على الرفاق والرفيقات

اسمحلي هالمره اختلف معاك يارفيق

الرمز العظيم بكامل قواه العقليه

بس المشكلة ان تابعيه ومريديه هم من

اصيبو بالزمهرير السياسي

واللي نتيجته تكون هالإسهال المتدفق

من المشاعر اللي تلقاها بتعليقاتهم

بكل مكان دفاعً عن هرطقاته

عموما انا من دخلت التدوين وانا اهاجم الرمز والضمير وباقي رواد

الزريبة من رموز وتابعين

اول ما بديت قليل من أيدني

واليوم وبحمدالله اشوف الكثيرين بدت

تغير وجهة نظرها ولو على استحياء

بس هم شي زين

ملاحظة مهمة جدا جدا جدا

فرخ عنصر الكبريتيت

ليش مارد على ملاحظة ديوان المحاسبة

اللي ابداها حضرتكم بخصوص

تجاوزات عنصر الكبريتيت الكبير

P:

غير معرف يقول...

ان طلع العيب من اهل العيب
فهو موعيب
وانتم ماتستحون
رجل بتاريخه تقولون عنه جذي
شنو اللي فرقتوا فيه عن جريدة الوطن
او الشاهد

هل هذا ردكم على تصريحه
وهل هذا حدود تفكيركم

حنطفيس يقول...

فليويح

لووووووول
الجيس زاهب

حنطفيس يقول...

المقوع

العدوه وبس

حنطفيس يقول...

غير معرف

BIG TIME

حنطفيس يقول...

عاضه

الله يهديه ويشفيه

حنطفيس يقول...

حد القلم

يامعود اهو حتى سفر بأجازة الصيف مايسافر

حنطفيس يقول...

بوراشد

انته قائد الثوره

واحنا ضباطها
p:

حنطفيس يقول...

غير معرف

هو اللي اهان تاريخه بتصرفاته الغريبه

لأني احبه لشخصه ادعوه الى التقاعد حفاظا على تاريخه
فقط لاغير

bo rashed يقول...

لو سمحت يارفيق حنطفيس
خلني اشوف موضوع الغير معرف بوتاريخ

ابيك تكلمني عن تاريخه
واذا ماكنت تعرفه خلني اعطيك شويه
من مآثره

على مر السنين وعلى طول مشواره السياسي

ماشفنا منه غير التقلب

يوم كان رئيس مجلس الأمة
تم التصويت على قانون المديونيات
ورفض

وبكل براءة وبسابقة سياسية ودستورية

اعاد التصويت وتم تمرير القانون

واذا ماكنت تعرف قانون المديونيات
اسأل طنط وتقولك شنو تأثيره على ميزانية الدولة بذاك الوقت

مع الأخذ بعين الإعتبار ان ظروفنا كانت جدا سيئه وقتها

موقفه من الشيخ سعد الله يرحمه يوم يتعنت بموقفه ويصر على ان يقف
مع علمه ان الشيخ سعد كان مريض

واذا ماتعرف منو اللي كان يحرضه على هالامور اسأل ابله زازه وهي تعلمك

هذا غير تنفعه من تأجير عماراته على الدولة

واخيرا اسأل عن دوره بأزمة الإمارة اللي صارت بعد وفاة الشيخ جابر الله يرحمه واسأل عن دور حليفه مسلم البراك اللي طاح بالمستشفى واستموت يوم افضحه المليفي وقاله قول حق الناس شنو كان موقفك بأزمة الإمارة

هذي شوية امثله احطها جدام صماخك
المتروس بعر

واذا بتعليقك اللي طاف قلت عنا مانستحي

الحين وبعد هالتعليق ابيك تقول عني
قاضي وخالص
وخلك من الحكم اللي تخب عليك


واذا عاد نفسك عندك المقدرة على مواجهة الناس من ورا تعليقك بغير معرف

فاعلم ان احنا نتكلم من خلال النت
وبره النت

ويوم كنت تلبس حفاظه

كنا نوقف مع الصنم مالك
بس الفرق بينا وبينك ان

احسنا استخدام الإختراع اللي انعم الله
فيه علينا

ألا وهو

العقل

ردد وراي

عقل
عقل
عقل

وقدرنا نميز الخبيث من الطيب

والحين يلا

ول

واللي مثلك مو كفو حشيمه

مابقى إلا انت واشكالك

تعلمنا العيب

يا غيليظ

لوووووووووووووول

وشكرا

P:

DiLLi O MiLLi يقول...

والله يا حنطفيس
أنا ما أدري شهلي قاعد يصير معاه !!! يقول يدافع عن الدستور ،، أشلوون بالله وأنت أيدت لجنة الظواهر السلبية وهذي فيها تعدي صارخ علي مادة الحرية الشخصية ؟؟؟!!
أشلوون يجمعك تكتل واحد مع نائبين دخلوا المجلس بأنتخابات فرعية ؟؟!!
أشلوون تجتمع مع مسلم البراك وهو معروف بنائب خدمات ،، يعني ممكن يخرق القانون عشان يتوسط لفلان وعلان ،، وهذي أنا سامعه قصص عنها من أصدقاء يشتغلون بوزارات يشكون من وجود مسلم عندهم شبه يومي توسط لناس موو كفوو ويحطهم بمراكز علي كيفة مع أن في ناس أكفأ منهم !!!

وييين العداااله اللي تدافع عنهااااا يا بو عبدالعزيز ؟؟؟!!!

وكل شوي قالولنااااا تاريخه ،،، أأأأأي تاااريخ ؟؟!! أنسحك هالتاريخ من مواقفة هالسنيين التاليه مااابقى فيه شي ؟؟!!!

وأكبر دليل ،،، مركزة بعد الأنتخابات !! صااار بالتلش ،،، شوي وييخق !!



وماااا أستبعد عنه الأزهايمر ،،، صج والله موو غشمرة!!

شـليويح يقول...

ل وووووووووووول
بو راشد هذا اللي
اذا الرمز ضيع وين
يحط سويجه صاحبنا
اهو اللي يدقه سلف
لوووووووووووووول

شـليويح يقول...

آنا بردد وراك
بو راشد

رمز
رمز
رمز

يا طعموز

لووووووووووول

حنطفيس يقول...

بوراشد

ولا تتعب حالك بالرد عليهم
مدوناتهم مابقى كلمه زفره ما استخدموها لنعت اي شخص يخالفهم الراي

اما ربعهم فيبونهم من المقدسات

مالت عالباميه

حنطفيس يقول...

دللي ومللي

اتباعهم صاروا مثل الزومبي

للأسف

المقوع الشرقي يقول...

ردا على الغير معرف
تاريخ السعدون
القاعدة السعدونية
كده وهده
:)
الشارع ليبرالي ..معاهم
صار اسلامي
حط ايده بايدهم
الشارع قلب بالثالثة ليبرالي
يابهم بافتتاح مقره2009
نجح
أدار لهم ظهر المجن
الحين مصلحته مع نواب القبايل
معاهم
بس نصيحة ..ترا بيكدكم ويهدكم حالكم حال غيركم
..
موقفه مع الربعي الله يرحمه بالانتخابات
وناجي
غدر فيهم
..
اللجنه الاسكانية من عمر فيها
أشاسوووى..؟؟زادت الطوابير الى 100 الف
أحد حاسبه؟؟؟
هذا قيض من فيض
والسلام على من اتبع الهدى
:))))))