الخميس، أبريل 30، 2009

أشغلت المدونين يابوفيصل




ثلاث أرباع المدونات السياسية مالها سيره غيرك يابوفيصل , مابين مدونة تعشقك حتى الثماله ومابين مدونه تكرهك حتى الفجور .


اختلف فيك المدونين مابين واثق من طرحك ومؤيد لمبادئك ومقدر حرصك على وطنك , وما بين كارهك وشاتمك لانك طلعت بسكوب او او لأنك رفضت استجواب الشينكو .


مره خلوك تابع للصقر ومره اتهموك بأنك مدعوم من الخرافي ومره قالوا انك مع مرزوق ومره سووك مدلل الحكومه , واللي يعرفك يدري بأنك راس تقود ماتنقاد .


يحبك الصقر ويعشقك الخرافي , يقدرك ناصر المحمد ويحترمك المسلم , تمجدك جريدة الطليعه وتمدحك جريدة الوطن , يحبونك الشيعه ويمدحونك الاخوان .. وبعد كل هذا ماعندك مانع تخسرهم كلهم بيوم واحد اذا خالفوا مبادئك وقيمك



يحاربونك اصدقاء الأمس ويقاطعونك أعداء اليوم , ورغم هذا تلقى الأحباب اكثر وملتفين عليك , حاولوا الطعن بذمتك ونظافتك ولكن بعد بحث مضني وشاق مالقوا ذرة شبهه او دليل عليك



يوم قلت ماني نازل قالوا خايف وقالوا موعود بوزارة , ويوم نزلت قالول افلام وحب للكرسي , ورغم هذا لبيت نداء وطنك رغم الطعن بالنوايا بدون حجه او دليل .



احبابك واااايد بس هادئييين ومطمنين وأعدائك قله بس قلقين ومهسترين


شعارك يقول لنا وطن يعيش فبنا .. وآنا أقول ياحظ الوطن اللي انت تعيش فيه

الله يحفظك للكويت ويحفظ الكويت بأمثالك

الأربعاء، أبريل 08، 2009

الله يوفجكم

الله يوفجكم


_________________________
الرابع ليلحين ماقررت