الاثنين، يونيو ٢٩، ٢٠٠٩

السعدون يؤكد عدم دستورية استجواب البراك

السعدون يؤكد برأيه الشخصي بأن استجواب المسلم غير مستحق لأنه احيل للنيابه
واليوم يؤيد طرح الثقه بالوزير رغم تشابه الظروف
وبعدين معاك يالسعدون ؟؟!!؟

الدقيقه 1,02

هناك ١٧ تعليقًا:

حنطفيس يقول...

العم الرمز اسد المجلس يقول بأنه الاستجواب غير مستحق !!؟
انتو شتقولون ؟؟

بورحمه يقول...

استغرب حاله التخبط وعدم استقرار الراي عند العم احمد السعدون .
يابوعبدالعزيز انا كنت واحد من الاشخاص اللي يعمل ويشتغل لك اثناء فترات انتخابيه سابقه والله كنا نوصي ونراكض ونعطيك صوت سنغل ونترجى الاهل والخلان ان يسنغلون لك . لكن للاسف اكتشفنا الخطأ الكبير اللي ارتكبناه لأن مواقفك اكشفتك وبينت انك متخبط وان مصلحتك الشخصيه والانتخابيه فوق كل شيئ حتى لو تخالف مبادئك و حتى لو استدعى الامر انك توفق مع الشيطان وتأيده لكن اللي صار الحين امر وادهى وهو انك وقفت مو مع شيطان واحد بل مجموعه شياطين لافين رقبتك ويسحبونك معاهم وين ما يروحون لا وانت تبمبع لهم .
حسافه عليك يا احمد السعدون والله ان خسارتنا فيك كبيره كبيره .
اسأل الله العظيم ان يردك الى رشدك ويرجعك الى طريق النور السابق ويبعدك عن الظلام اللي انت عايش فيه مع اللفو عفوا أقصد مسلم وزبانيته . اللهم امين
اللهم ارنا الحق حقاوارزقنا اتباعه وارنا الباطل باطلا وارزقنااجتنابه.
والله من وراء القصد

المقوع الشرقي يقول...

NOTHING NEW UNDER THE SUN.
.
خاله صفيا زيدى الجوادر
ولى يرحم والديج
:(

MOODMAANI يقول...

من سقطه الى سقطه يالسعدون
حرااام اللي قاعد تسويه بتاريخك

هرولتك خلف البراك هو المستفيد منها وليس انت .

حنطفيس يقول...

بورحمه

المشكله كل تخبطاته تختفي من ذاكرتنا وقت الانتخابات , ونقول اكراما لتاريخه بنتغاضى عنه هالمره بس !!

بس للأسف ممارساته قاعده تدخل المجلس والبلد بمتاهات احنا بغنى عنها
خلاااص لقد بلغ السيل الزبى وسامحناك بما فيه الكفايه يالسعدون .
اما ان تعود لرشدك وأما ان يعود ناخبيك لرشدهم

حنطفيس يقول...

المقوع الشرقي
خالتنا صفية ملّت وهي تغطي فينا
ولي متى ؟

حنطفيس يقول...

مودماني

ورى كل مصيبه دوّر على ضمير الامة !!

هذيان يقول...

عــــــــــادي

وسع صدرك

حول سياسي الجماعة تعاني من حول سياسي


ما ادري ليش ما أستغرب تقلب عمهم أحمد السعدون

زووووود على المعلومات السياسية


تعاملت مره مع عبدالعزيز السعدون في شغل


برضـــو


حمام قليبي

يا أخي كل رموز السياسة اللي حملوا هموم الأمة على مستوى التاريخ السياسي ماتوا فقارى


إلا السعدون ملياردير

والله السياسة ما توكل ربع دينار

أذا كنت سيدا و محتار عدوك فيك

Snow White يقول...

تناقض واضح !!

السعدون من دخل معاه نواب الفرعيات في التكتل الشعبي وهو متغير ومنقلب حاله فوق حدر!! مع الأسف

حنطفيس يقول...

هذيان

ان اللي محيرني بعض المنجرين وراء مسلم ومجموعته بدون اي تفكير او تدبير وكأنهم مغيبين عن الواقع !!

مالوم بعضهم لتحيز قبلي واضح ولكني الوم بعض الاقلام الوطنيه اللي اركبت الموجه

اما السعدون فمواقفه هي اللي قامت تكشفه وتكشف توهانه
يحز بنفسي ان اراه بهذي الصوره

حنطفيس يقول...

snow white

السعدون وصل الى مرحله بأنه بكل قضيه تحصل بالمجلس نشوف تناقض عجيب غريب !!

نرى موقف منه اليوم ونعود لنرى موقف مغاااير تماما قبل سنه او اكثر !

وللأسف انجرف العدييد من المدونين وراه وورى مسلم وربعه واصبحو كالخراف كما اطلق عليهم الزميل بوراشد

بو حامد يقول...

حنطفيس

قلت وقال من افقه وافهم مني ان الاحاله للنيابه وتشكيل 300 لجنه وحتى ادانه الديوان لا تعفي من الاستجواب

نعم السعدون عضو من حقه ان يبدي برأيه ومن حقي ان اعارضه او اتفق معاه

لا يجوز ان انسف تاريخ الرجل لأني اختلفت معاه بامر معين

السعدون لم ينصف استجواب المسلم هنا ولكن لا يجوز لي ان افرض عليه او الومه لأن ما قال الشيء الي انا حاب اسمعه

ونحن اهل الكويت جبلنا على احترام الكبير وكلمه العم احمد السعدون ليست تصغيرا لي ولا تعظيما له ولكن من باب احترام السن مش اكثر

ولا نرضى ان يأتي عوير وزوير ويطعنون بالذمم المالية للاشراف من اهل الكويت

هل تعتقد ان لو كان هناك مستمسك على السعدون لسكتت الحكومة وسكت معارضيه ولم يبرزوه ؟

لا اعتقد

يا عزيزي

نختلف بقناعاتنا ، ولكن جميعنا نتفق على حب هذه الارض الطاهره

ولو طلبت دماءنا لتسابقنا جميعا لنفيدها بأرواحنا

فلا احد يزايد على احد

ولا احد يفرض رأيه على احد

ولا احد يطعن بذمه احد اذا خالفه

ولكن يجب على من لديه دليل يثبت كلامه يدين اي مسؤول ان يقدمه ويترك الشارع يحدد والامة تقرر

ولك الشكر

حنطفيس يقول...

بوحامد
انا لايمكن اطعن بذمة هذا الرجل

ولايمكن انسف تاريخه , هو من ينسف تاريخه بنفسه بأنجراره خلف مسلم البرك ومخرجات الفرعيات

المقصد من هذا الفيديو هو تناقضه مع نفسه
الرجل يدافع عن الدستور حسب اهوائه ومصلحته الخاصه وهالشي ماتعودناه منه بالسابق
شللي غيره الله العالم

غير معرف يقول...

عزيزي حنطفيس ..

البراك ارغد و ازبد في موضوع الداو .. هل لمح لاستجواب وزير النفط العليم انا ذاك؟ لا طبعا قفز بالزانة الى رئيس الوزراء .. و كان يتحدث عن عمولات ب 850 مليون .. وين هالعمولات؟ معقولة تسكت عن 850 مليون و شرشحت الخالد على 5 .. اثنينهم مال عام و يجب ان يبحث عنه ..

و الاعجب .. لما طلبوا تشكيل لجنة تحقيق في موضوع الداو .. البراك تكوكس داخل المجلس علشان يفشل اللجنة .. ليش؟ الى الان ماني عارف ..

الزبدة .. استجواب الرئيس في ذاك الوقت لم يكن مستحق .. لأن الجمهور عاوز كده و السعدون احسن واحد يركب الموجة ..و اجزم .. بأنه وقع في خطأ لن يغفر له ناخبيه ..

غير معرف يقول...

يقولون استجواب غير قبلي ..

و الطاحوس يقول .. يا وزير الداخلية ان كنت تعتقد ان القبائل الحلقة الاضعف انا اقولك امعصي ..

شنو دخل هالكلام اللي يمزق الوحدة الوطنية في ندوة لمناقشة الاستجواب؟

و يولومونا ان وقفنا ضد هالعبث في ادواتنا الدستورية!! و جعل الدستور مطية لتحقيق مآرب شخصية و انتقامية!!

ييه دورنا نقولهم امعصي ...

bo rashed يقول...

خارج سياق الموضوع

اللي مو فاهمه بعض الزملاء

ان احنا لما نختلف معاهم بالراي

مو معناته ان راينا لازم يكون صواب

100%

لكن للاسف العكس قاعد يصير منهم

لمجرد ان راينا ما صار على هواهم

تعال شوف التحلطم والتبرطم والحش

شدعوه يواش يواش علينا

تصدق ياخوي انا لما اطلقت على بعض

المتفيقهين من الزملاء لقب

خرفان التدوين السياسي كان السبب

الرئيسي اهو عدم تقبل الرأي الآخر

يااخي شالمشكله لما اقول اني اشوف

ان السعدون جمبازي !

مواقفه على مر تاريخه اكبر دليل

اليوم عبداللطيف دعيج بالقبس نازل

بسلسفيل ابو ام اللي قدمو الاستجواب

وطرح الثقة

انا خابر واحد من المدونين لو الدعيج

يحك راسه نزل بوست وقال ابو المدونين

قام اليوم برفع ايده اليسار وقام

بعملية احتكاك مابين فروة رأسه وانامله

اليوم اشوف خاموووووووش

يا ابني انت معاه اختلافي معاك ومعاه

مو معناته انك عدوي

هذي يسمونها ديمقراطية

واللي تمارسونها انتو اسمها

دكتاتورية

سامحني يارفيق

بس ادري ان مدونتك من منابر التدوين

قلت اطرح راي عندك على وعسى

يفهم البعض

حنطفيس يقول...

بوراشد

ياخي انا مستغرب من هالانجراف الغريييب !!
صار كل من يخالفهم الراي هو فداوي ومُستَاجر !! خلّو الوطنيه وكاله عامّه لهم يوزعونها حق اللي يبون واذا بيعطونك مسمى وَطني لازم تقسم بالولاء للسعدون وعدم انتقاده بيوم من الايام !!

انت يابوراشد عند موقف من علي الراشد وانتقدته بأكثر من بوست وآنا من اشد المعجبين بطرحه , بس عمري ماهاجمتك او حجرت عليك رايك , الراشد شخصيه عامه ومن حقك تنتقده وتشرشحه بعد .

ظاهر التخرفن التدويني تحتاج الى وقفه ودراسه لان هالمرض قاعد ينتشر بشكل مخيييف