طلع علينا النابغه محمد المطير امس بتصريح غريب عجيب , يقول معاليه : ( أرفض طرح موضوع ازدواجية الجنسية ومن يفتح هذا الملف ينادي بالفتنه , والكويتيين ولائهم للكويت حتى ولو كان عندهم جنسية اخرى !!!!!؟ )
اكرر القائل محمد المطير مو خالد العدوة !؟
طبعا هالجمله قالها بندوته بالصليبيخات امس وهو يعتقد بهالطريقه راح يكسب ناخبين صلبيبيخات وطززز بالبلد وقوانيها والولاء لها .
.
المطير تم ثلاث مجالس ماسمعناله حس واحيانا ننسى انه بالمجلس اصلا والمره الوحيده اللي اعترض واستنفر وأرعد وأربد يوم يغيرون عطلة الخميس الى السبت وقال هذا تشبه بالنصارى والمجوس واليهود والهندوس !!؟
.
انا استغرب شلووون ينجح هالباصج اللي لا لون لا ريحه لاطعم , يعني والله وقسما عظما لوهو اخوي من امي وابوي ماعطيته صوتي .
.
الانتخابات اللي طافت صرت مكبه حق السلف والاخوان , كودو اصواتهم الزايده ببطنك لين انتفخت وطلعت الرابع , ابي هالمره منو بيشيلك؟؟
.
السلف يااااللله يشيلون عمرهم والاخوان كذلك ,,, صليبيخات والدوحه ؟؟ والله مادرو عنك ,,,, الخرافي والغانم ؟؟ مايبلعونك ,,,,, الراشد ؟؟ اصلا مايدري انك نازل ,,,, النيباري والعبدالجادر ؟؟ مايستسيغونك
.
ما لك الاّ ماما
.
.
ياااااثقل طينتك
هناك ١٢ تعليقًا:
مو معقول الكلام اللي قاعد تخبص فيه يا محمد المطير . الظاهر انك ما تعرف شنو قاعد تقول والله عيب عليك وخل عندك ولاء للكويت واللي والله نشك فيك انك كويتي عقب هالخرابيط اللي تلطلط فيها.
( صمت دهرا ونطق كفرا )
صدق من قال عنك انك لاطعم ولا لون ولا رائحه
آية المنافق ثلاث
صام صام وفطر على بصلة
مو هذا السلفي اللي يحب يتمشى بالسالمية بسيكل....
ابشرك وانا اخيتك
ناصر اخوه خالص ومضبط وراح يشيل المطير عذبي الفهد
هذا شفيه ين واستخف ؟؟!!
صج حلاته ساكت . لامنطق ولا فكر .. الشرهه على اللي يعطيك صوت
لوووووول ايولله باصج .. هو لالون اشاركك الراي , ولا طعم اتفق معاك .. بس أختلف معاك بموضوع الريحه . لووول
بدينا بالحروب الانتخابية ؟
ارجوك اخ حنطفيس لنبقي الانتخابات نزيهة و نظيفة و بلاش التعرض للمرشح الفاضل محمد مطير
المطير خط أحمر
محد فاهمه غيري
انا مسميته الطفل المعجزه
تهقون لو ينجح المطير ويخسر السلطان
يقدر يكمل مسيرة السلف بالمجلس
مجرد تساؤل يدور ببالى هالايام...!!!!!!!ء
صااااااااااااااج يااااااا ملقي !!!
حجوتة هذي مالت أزدواج الجنسية من قريتها بالجرايد .. وأنا مبطه مرارتي !!!
فوق ملاقتك .. وسلبيتك في المجلس .. تيي أتقوووول هالحجي !!!!
يااااااربي على سخافة الناس اللي أنتخبوووه !!!
ول ول ول ول... ما اقدر اعلق، انغثيت. شنو هالديرة و شنو نوعية ناسها اللي المطير ينجح فيها؟
صح كلامج اهوم من دش الضاحية وانا مو بالعة نائب خدمات ومالة صوت بالمجلس وجودة وعدم وجودة واحد . مسكين خلو بهذي التصريحات بحسس نفسة انة نائب مجلس امه يس ودي اقولة شي خلاص بابا انتة العب بدا الجد والحين مكانك مو المجلس روح العب ابعيد
إرسال تعليق